Почитувани менаџери од ББ Македонија,
ја објавувам мојата втора кандидатура за селектор на јуниорската репрезентација.
Пред две сезони решив да го превземам водењето на младинската репрезентација и да поставам нови принципи на функционирање. Тие принципи беа:
1. Тимска работа => формирање на скаутски тим од менаџери во Македонија
2. Избор на квалитетни и различни играчи на секоја позиција - платата не е основен критериум, туку вештините
3. Воспоставување на редовна директна комуникација (ББ-пошта) со сопствениците на талентирани млади македонски играчи: совети за тренинзи, апели за одржување на формата и слично, како и редовна индиректна комуникација со македонската заедница за сите активности на младинската репрезентација (форум, прес-конференции).
Овие принципи повторно ги потенцирам и претставуваат основа и во мојата втора кандидатура.
Во однос на моите заложби на резултатски план, моја цел ќе биде дополнително подобрување на рејтингот на јуниорската репрезентација на светската ранг листа. За тоа, нормално ќе ни требаат победи. Оваа сезона ќе ги имаме најпрво средбите од Европското првенство за јуниори (домаќин ќе биде Белгија), а потоа, зависно од резултите на ова континентално натпреварување, во следната сезона ќе не чекаат нови искушенија. Сегашната генерација 21 годишни играчи е доста добра и прилагодлива на најразлични тактички варијанти. Доброто менаџирање со формата на играчите, во комбинација со соодветна тактика би можеле да ни донесе повторување на успехот од сезона 12, а со мала среќа (ждрепката) и остварување на 4 победи во европското првенство.
GM-bobans
кандидат за селектор на У21 Македонија