სულ ჩამკვდარია აქაურობა, რაზეც ძალიან მწყდება გული. იმ დღეს ვიფიქრე ნეტა ესეთი გამთამაშებელი ადრე გვყოლოდა, როცა მოსეშვილი 21 წლის იყო, რა დუეტი იქნებოდა ))) სამწუხაროდ ასეთი გამონათებები ძალიან ცოტაა ჩვენს ნაკრებში. დავიჯერო ამდენი მენეჯერი ვართ აქტიური მეორე ლიგაში და ნაკრებზე გული არავის შეტკივა? არავის უფიქრია, რომ ამდენი ხანია ბაზერს ვთამაშობ და მოდი მარტო ჩემს გუნდზე არ ვიფიქრებ და იქნებ ნაკრებსაც დავეხმარო რაიმეთიო? სულ 142 "აქტიური"(დარეგისტრირებული) მენეჯერია, აქედან 80 მაინც ხომ იქნება მართლა აქტიური (კვირაში რამდენჯერმე მაინც რომ შემოდის), გამოვაკლოთ ამას 16 გუნდი, რომელიც უმაღლესშია, (რადგან უმაღლესის მენეჯერებს ვერ თხოვ იუნორების ნაკრებისთვის ხალხის აღზრდას, თავიანთი გეგმები აქვთ უმეტესს. ხომ დარჩება ნუ 60 მენეჯერი მაინც, რომელთაც შეუძლიათ მოთამაშეების ვარჯიში?
შემდეგი სეზონიდან დავიწყოთ იუნორების "აყვავება". მინიმუმ 5-7 მენეჯერი დაგვჭირდება, რომელიც თავის თავზე აიღებს მოთამაშეების განვითარებას. რაც მეტნი ვიქნებით ბუნებრივია მით უკეთესი... დავიყოთ პოზიციები და ვაჩუქოთ ჩვენს ნაკრებს მომავალი!
მე მაგალითად შემიძლია ჩემს თავზე ავიღო ცენტრის პოზიცია (რადგან მოსეშვილი ეროვნულ ნაკრებშია და ვარჯიში მასაც ჭირდება) და 4 სეზონის შემდეგ იუნორების ნაკრებს მივცე ორი 21 წლის ტოპ-დონის მოთამაშე, თუ ამაში ხელს სხვა მენეჯერებიც შემიწყობენ. დრაფტზე არამგონია ვინმე წესიერი შემხვდეს ამიტომ 18 წლის ცენტრების ყიდვა მომიწევს. მზად ვარ ამისთვის მილიონი გამოვყო! რამდენიმე მენეჯერი თუ შეძლებს რომ თავის თავზე აიღოს სხვადასხვა პოზიციათა მოთამაშეების ვარჯიში მე ყველანაირად დავეხმარები ვარჯიშში, შევადგინოთ გეგმა ერთად...
ეს ამბავი არც მარტივია, მაგრამ არც ისეთი რთული და წარმოუდგენელი, როგორიც გვგონია! გზადაგზა სხვა მენეჯერბიც შემგოვიერთდებიან, როცა დაინახავენ შედეგს. შედეგი კი მესამე-მეოთხე სეზონებზე აუცილებლად დაიდება.
მოკლედ რომ შევაჯამო ამხელა პოსტი: ხუთმა (მინიმუმ) მენეჯერმა ავიღოთ ჩვენს თავზე პოზიციები, ვიყიდოთ (თუ დრაფტზე ვერ ამოვლენ) 18 წლის მოთამაშეები, მინიმუმ სუპერვარსკვლავის პოტენციალით და ვავარჯიშოთ მთელი ძალებით (:D). იუნორების მენეჯერმაც ხელი უნდა შეგვიწყოს, რამდენიმე სეზონით დავივიწყოთ რეიტინგი, ეს 18-19 წლის ბიჭები აიყვანოს, გამოცდილებაც რომ მოემატოთ და მენეჯერებს ნდობა გაუჩნდეთ, რომ ეს მოთამაშეები უეჭველად იქნებიან ნაკრებში თუ ავარჯიშებენ! (თუ ავარჯიშებენ! - მერე რომ არ დაიკიდონ აყვანილი მოთამაშეები).... ამ 18-19 წლის ბიჭებს დაემატებიან, მარტო მართლა გამორჩეული მოთამაშეები 20-21 წლისები...
რას ფიქრობთ ჩემს იდეაზე? არავინ ხართ ვისაც გული შეგტკივათ ნაკრებზე? ბევრი მენეჯერია, დარწმუნებული ვარ ჩემნაირად, რომელიც უმაღლესში ასასვლელად არ/ვერ იბრძვის და ნაკრებს მაინც მივხედოთ, თან რამდენიმე სეზონში ჩვენც გვეყოლება კარგი მოთამაშეები, რომელთა ვარჯიშის გაგრძელების შემთხვევაშიც ეროვნულშიც მოხვდებიან!
მოკლედ დაწერეთ თქვენი აზრიც აბა, რამდენი ხართ მზად რომ ამ იდეას ხორცი შევასხათ? იუნორების ნაკრების მენეჯერის პოზიცია მაინტერესებს ყველაზე მეტად... ადრეც მქონდა ეს იდეა, თუმცა არ განხორციელდა
იმედია ახლა მაინც გამოგვივა რამე, ერთად!