Македонија 102 : 109 Грција
Кој го следеше овој натпревар сигурно доживеа милион напливи на најразлични емоции.
Пред мечот пред мене беше голема дилема. Што да правиме против Грција? Една репрезентација која по квалитетот се вбројува меѓу најдобрите U21 селекции. Како да играме ние со 185 активни корисници, против Грците кои имаат 2419? Одговорот беше храбро и силно. Да пробаме со нашето најсилно оружје со кое располагаме - „Гледај внатре“ напаѓачката стратегија. Во одбраната немаше простор за калкулации. „Човек на човек“ бидејќи било која зона може да остави голем простор кој квалитетните тимови лесно ќе знаат да го искористат.
Понатаму како да одиме со залагањето (ставот) на овој натпревар, а тоа да не ни се одрази катастрофално за преостанатите натпревари со Данска и Албанија? Дали да одиме со „Мотивирано“ или „Нормално“ или можеби „Опуштено“? Секој од овие ставови имаше повеќе „за“ и „против“. Одлучив дека „Мотивирано“ е преголем ризик затоа што никој не може да гарантира победа со сигурност (посебно затоа што нашата форма не беше на посакуваното ниво), а со пораз тоа ќе беше вистинска катастрофа во преостанатите натпревари. „Опуштено“ беше опција која беше размислувана но многу брзо отфрлена затоа што не сакавме да играме без залагање. Сакавме навистина да си ги испробаме силите. Затоа се решивме со најбезболното и единственото логично решение , а тоа беше - играме „Нормално“.
Проблеми со кои се соочувавме пред натпреварот.
Најголемиот проблем беше нашата форма. Не дека формата генерално беше лоша, туку не беше на нивото на кое ние посакувавме, или поточно не беше на нивото кое е неопходно за да можеме да парираме на Грција. Посебно зборувам за еден од нашите најдобри играчи Jetar Keta. Keta се покажа како многу важен играч за нас. Посебно во натпреварот против Белгија кога беше неверојатен. Но тогаш тој имаше форма 8. Против Грција, за жал, неговата форма падна на 6. Се поставува едно неблагодарно прашање: Дали ако Jetar Keta беше на форма 8 Македонија ќе победеше на овој натпревар? Којзнае. Но едно е сигурно, ќе бевме многу поопасни во нападот доколку тој беше во форма.
Кого да го играме на местото на Jetar Keta беше прашањето. Нашиот состав за жал не располага со голем број квалитетни играчи. Единствена алтернатива за него беше Kaan Gurol. Со него и го започнавме мечот.
Вредно е да се спомене дека во тимот У-21 Македонија се приклучија два нови играчи. Тоа се Branko Ninevski од тимот на MAK BOLZANO и идната ѕвезда на У-21 тимот, Jakov Lazarov од тимот на KOTWICA MŁODZIEŻ. Овие играчи сосема солидно настапија на овој натпревар, а Jakov Lazarov имаше огнено крштевање.
Текот на мечот.
Првото полувреме беше разочарувачки. Почнавме слабо и неефикасно во нападот, а нашата одбрана многу порозна. Уште на стартот стана јасно. И ние, и Грците играме со исти тактики. И ние „Гледај внатре“ и они „Гледај Внатре“. И ние „Човек на Човек“ и тие „Човек на Човек“. Борба гради во гради!
Но Грците подобро се снаоѓаа. Ние ја немавме играта.
Резултатот на полувремето беше Македонија 38 : 54 Грција.
Но тука не запреа проблемите. Нашето стартно крило Kaan Gurol се повреди во втората четвртина и јасно беше дека Jakov Lazarov, дебитантот, ќе мора да ги одигра последните 2 четвртини до крај. Проблемот беше со издржливоста. Дали ќе издржи со добра игра до крај?
Второто полувреме почна. И неверојатен пресврт! Дебитантот Лазаров играше неверојатно. Ете што значи висока форма (тој имаше форма 9). Никој од Грчкиот тим не можеше да го запре. Во третата четвтина постигнавме 43 поени. Во една четвтина повеќе отколку во цело прво полувреме. Македонија 81 : 84 Грција на крајот на трета четвртина!
Имаме ли шанси?
Четвтата четвртина започна. Лазаров постигна тројка и конечно израмнување! Но не само тоа, Македонија го превзеде водството по пресечената топка и успешно реализираните слободни фрлања од Лазаров. До крајот на мечот се менувавме во водството. Вистински