ჯგუფური ეტაპის დასკვნით ფაზაში გადავიდა 36-ე სეზონის ევროპის ჩემპიონატი, სამი ტურია დარჩენილი. სიტუაცია რომ მიმოვიხილოთ, ამ დროისათვის იტალიას აქვს 4-დან 4 მოგება, ჩეხებსაც 4-დან 4, ნიდერლანდებს და ბულგარეთს 3-3 მოგება და 1-1 წაგება. შემდეგ ჩვენ მოვდივართ სატურნირო ცხრილში 2 მოგებითა და 2 წაგებით. ნორვეგია, ალბანეთი და სომხეთი კი ჯერ-ჯერობით მოგების გარეშე არიან და 4 წაგება აქვთ სამივეს.
დარჩა სამი ტური და ჩვენთვის მნიშნველოვანი ჩეხეთის, ბულგარეთისა და ნიდერლანდების მატჩებია. აღსანიშნავია, რომ სამივე გუნდს ერთურთში დარჩათ სათამაშო (პლუს სამივეს იტალიასთან) და სწორედ ეს თამაშები გადაწყვეტს ბევრ რამეს. შემდეგ ტურში ჩეხები და ბულგარელები ერთმანეთს დაუპირისპირდებიან და სავარაუდოდ სამკვდრო-სასიცოცხლო ბრძოლას გამართავენ, ჩვენ ბულგარელების მხარეს უნდა ვიყოთ, რადგან ჩეხების გამარჯვების შემთხვევაში ჯგუფიდან გასვლის შანს 99.9 პროცენტით დავკარგავთ.
ამჟამინდელი სიტუაციით ბურთების შეფარდება შემდეგია:
ჩეხეთი: + 130
ბულგარეთი: +90
ნიდერლანდები: +75
ჩვენ: -1
თუმცა ჩვენ რთული თამაშები უკვე მოვიტოვეთ და დარჩენილ სამივე ტურში გამარჯვებისათვის ვიბრძოლებთ. რეალურად რომ შევაფასოთ სიტუაცია, იტალიასთან არცერთ გუნდს შანსი არ აქვს, ხოლო ნიდერლანდებს სავარაუდოდ ჩეხებიც მოუგებენ და ბულგარელებიც. ჩვენი ჯგუფიდან გასვლის შანსი ჩეხეთთან ბულგარეთის გამარჯვებაზე გადის. თუმცა იმისათვის რომ ჯგუფში მეორე პოზიცია დავიკავოთ, ჩეხებსაც და ბულგარელებსაც ბურთების სხვაობით უნდა გადავასწროთ. სომხეთთან +50 ქულა გარანტირებული გვაქვს, ალბანეთთან და ნორვეგიასთან კი ჩვენმა ბიჭებმა თავიანთი საუკეთესო თამაში უნდა აჩვენონ და მეტოქეები რაც შეიძლება დიდი სხვაობით უნდა დავამარცხოთ. მიახლოებითი გამოთვლებით ჯგუფიდან გასასვლელად ბოლო ორ მატჩში +85 ქულა უნდა ავიღოთ.
სამწუხაროდ ჩვენი ბედი მხოლოდ ჩვენს ხელში არაა და ვნახოთ რას გვიმზადებენ ბაზერის ღმერთები
პ.ს. ცოტა მაინც გააქტიურდით, მთელმა სეზონმა ისე ჩაიარა მხოლოდ ორი კაცი ვპოსტავთ ნაკრებების თემებში...
