პირველ რიგში მადლობა ასეთ მიმოხილვისთვის. ისევ შენ თუ დაწერდი რამეს )))
ბულგარელების გამარჯვებამ ძალიან გამახარა, ალბათ ყველა ვინც იუნორების გამოსვლას ადევნებს თვალს. ერთ რამეში არ გეთანხმები მხოლოდ. ალბანელები ნახევარი ძალით არ გამოვლენ, ბოლოს ბოტ სომხეთთან აქვთ დარჩენილი თამაში და იმათთვის ენთუზიაზმის შენახვას რა აზრი აქვს? ასევე ძალიან არ მომეწონა ნორვეგიის დაზოგილი ენთუზიაზმი. სამწუხაროდ, როგორც ჩანს ჩვენთვის ინახავენ და მთელი ძალით მოვლენ. ასე თუ ისე საკმაოდ რთული ამოცანა გვაქვს შესასრულებელი, მიუხედავად იმისა, რომ ორივე მეტოქე ჩვენზე გაცილებით სუსტია, ორივე მთელი ძალით გამოვა და მათთან ჯამურად +80 ქულის აღება მარტივი არ იქნება. თუმცა ეს შეუსრულებელი მისია არ არის და მთავარი იყო რომ ბულგარელებს ჩეხები დაემარცხებინათ. ახლა უკვე მეტწილად საკუთარ თავზე ვართ დამოკიდებული, თუ გასვლა გვინდა, ორივე თამაშის ჯამში +80 ქულას უნდა გავიდეთ. ძალიან დიდი იმედი მაქვს რომ ფორმები კარგად დაგვიჯდება და ჩემს ჩანაფიქრს ორივე თამაშში მაქსიმალურად შევასრულებ.
რაც შეეხება პოზიციურ შეტევაში მსროლელის დაყენება ცენტრის პოზიციაზე, გასული სეზონის ბოლო ტურნირის მატჩი ჩვენც ასე ვითამაშეთ ლიტვასთან, თუმცა ჩვენც არ გაგვიმართლა მაგ ამბავში.
რაც შეეხება მომდევნო მეტოქეს, წამყვანი მოთამაშე დატრანსფერდა და ფორმა დაუვარდა. ამ ვარჯიშის განახლებაზეც დიდად ვერ მოიმატებს, ვფიქრობ დიდი სხვაობით მოგების კარგი შანსი გვექნება და მისაღები დაახლოებით +60-70 იქნება ჩემთვის, სხვაგვარად ნორვეგიასთან +30 ძალიან რთული მეჩვენება. ნიდერლანდები ცოტას თუ წაგვეხმარება და ჩეხებთან დიდი სხვაობით არ წააგებს კარგი იქნება (ნუ სულ მოგებაზე საერთოდ არ ვსაუბრობ). ამასთანავე იმედს ვიტოვებ რომ ჩეხები ან ბულგარელები რაღაც სასწაულ სენსაციას ვერ გამოაცხობენ და იტალიასთან ორივე (სასურველია, დიდი სხვაობით) დამარცხდება.